کراچی کے علاقے رضویہ میں لیاری ایکسپریس ندی کے قریب سے 26 سالہ شخص کی لاش برآمد ہوئی ہے۔ پولیس کے مطابق مقتول عیسیٰ کو نامعلوم مسلح ملزمان نے فائرنگ کر کے قتل کیا جس کی لاش رات کے وقت مذکورہ مقام پر پھینکی گئی۔
مقتول کو دو گولیاں لگیں اور وہ قریب ہی کا رہائشی تھا واقعے کی مزید تحقیقات جاری ہیں۔
دوسرے واقعے میں سرجانی سیکٹر 7B گرین بس اسٹاپ کے قریب گھر میں گھس کر نامعلوم افراد نے ماں اور بیٹی کو چھریوں کے وار سے شدید زخمی کر دیا۔
زخمیوں کی شناخت 50 سالہ فوزیہ زوجہ عظیم اور 21 سالہ کرن دختر عظیم کے نام سے ہوئی۔ دونوں کو شدید زخمی حالت میں عباسی شہید اسپتال منتقل کیا گیا۔