ملک میں سونے کی قیمتوں میں ایک بار پھر نمایاں اضافہ دیکھنے میں آیا ہے۔ آج فی تولہ نرخ 1500 روپے بڑھ گئے جس کے بعد سونا 3 لاکھ 57 ہزار 700 روپے فی تولہ کی سطح پر پہنچ گیا۔
گزشتہ ایک ہفتے سے مسلسل کمی کا شکار سونا آج دوبارہ مہنگا ہوا۔ آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت بھی ایک ہزار 286 روپے اضافے کے بعد 3 لاکھ 6 ہزار 670 روپے ریکارڈ کی گئی۔
عالمی منڈی میں بھی سونے کی قدر میں بہتری آئی ہے جہاں 15 ڈالر کے اضافے کے ساتھ فی اونس ریٹ 3 ہزار 350 ڈالر تک جا پہنچا۔