پاکستان اسٹاک ایکسچینج میں کاروباری ہفتے کے دوران ابتدائی تیزی برقرار نہ رہ سکی اور مارکیٹ مثبت زون سے نکل کر منفی زون میں چلی گئی۔
کاروبار کے آغاز پر ہنڈریڈ انڈیکس میں 516 پوائنٹس کا اضافہ ریکارڈ کیا گیا تاہم بعد ازاں فروخت کے دباؤ کے باعث مارکیٹ کی سمت تبدیل ہوگئی اور ہنڈریڈ انڈیکس 125 پوائنٹس کمی کے بعد 178,074 پوائنٹس پر ٹریڈ کرتا رہا۔
مارکیٹ تجزیہ کاروں کے مطابق مہنگائی میں کمی، عالمی منڈی میں خام تیل کی قیمتوں میں گراوٹ اور کارپوریٹ رزلٹ سیزن مارکیٹ کے لیے مثبت عوامل ہیں تاہم سرمایہ کار امریکا اور ایران کے درمیان جاری مذاکرات کے نتائج کے حوالے سے محتاط رویہ اختیار کیے ہوئے ہیں۔