سونا عالمی اور ملکی سطح پر مزید مہنگا ہوگیا ہے اور نرخ ریکارڈ بلندیوں کو چھو رہے ہیں۔
غیر ملکی بلین مارکیٹ میں فی اونس سونا 12 ڈالر اضافے کے بعد 3 ہزار 552 ڈالر تک پہنچ گیا، جو اب تک کی ایک نئی بلند ترین سطح ہے۔
ادھر پاکستان کے صرافہ بازاروں میں بھی قیمتوں میں نمایاں اضافہ ریکارڈ کیا گیا۔ 24 قیراط فی تولہ سونا 1200 روپے مہنگا ہوکر 3 لاکھ 77 ہزار 900 روپے کا ہوگیا جبکہ فی 10 گرام سونا 1029 روپے اضافے کے بعد 3 لاکھ 23 ہزار 988 روپے پر جا پہنچا، جو ملکی سطح پر سب سے زیادہ قیمت ہے۔