محکمہ ثقافت، سیاحت و آثارِ قدیمہ خیبر پختونخوا کی جانب سے کلچر اینڈ ٹورزم اتھارٹی کے ملازمین کی اسناد کی جانچ پڑتال کا فیصلہ کیا گیا ہے۔
اس حوالے سے ذرائع نے بتایا ہے کہ وزیرِ اعلیٰ خیبر پختونخوا علی امین گنڈاپور کے سیاحتی وژن اور شفاف طرزِ حکمرانی کے تحت گریڈ 11 اور اس سے بالا تمام افسران و ملازمین کی تعلیمی اسناد اور قابلیت کی فوری چھان بین کا فیصلہ کیا گیا ہے۔
محکمہ جاتی اعلامیہ کے مطاق کلچر اینڈ ٹورزم اتھارٹی کو ہدایت دی گئی ہے کہ تین روز کے اندر تمام افسران و ملازمین کے مصدقہ تعلیمی کوائف محکمہ سیاحت کو فراہم کیے جائیں۔
یہ اقدام شفافیت، میرٹ اور مثر انتظامی ڈھانچے کو فروغ دینے کے لیے اٹھایا جا رہا ہے تاکہ ملازمین کی اہلیت سے متعلق کسی بھی قسم کے شکوک و شبہات کا خاتمہ ہوسکے۔