غزہ جنگ بندی کے پہلے مرحلے میں امریکا نے اپنے 200 فوجیوں کو اسرائیل بھیج دیا۔
امریکی میڈیا کا کہنا ہے کہ اسرائیل پہنچنے والے امریکی فوجی غزہ میں داخل ہوئے بغیر وہاں موجود مصر، قطر اور ترکیے کے فوجیوں کے ساتھ تعاون کریں گے۔
غزہ امن معاہدے کے مطابق اسرائیلی فوج مقررہ حدود تک واپس آگئی ہے، اسرائیلی فوج کی مقررہ حدود میں واپسی کا جائزہ لینے کے لیے امریکی نمائندہ خصوصی اسٹیو وٹکوف نے غزہ کا دورہ کیا اور کہا اسرائیلی فوج کے انخلا کا پہلا مرحلہ مکمل ہوچکا ہے۔
امریکی سینٹ کام سربراہ ایڈمرل بریڈ کوپر نے دورہ غزہ کے بعد بیان میں کہا کہ دورے کا مقصد یہ جاننا تھا کہ سینٹ کام کی زیر قیادت سول ملٹری کوآرڈی نیشن سینٹر کیسے بنایا جائے۔ انہوں نے کہا کہ غزہ میں امریکی فوجی تعینات نہیں ہوں گے۔