ثانوی تعلیمی بورڈ کراچی کی جانب سے میٹرک پارٹ ون کے سال 2025 کے نتائج آج 22 اکتوبر کو شام 5 بجے جاری ہونے کا امکان ہے۔ نتائج جنرل گروپ اور سائنس گروپ دونوں کے لیے بیک وقت آن لائن جاری ہوں گے۔
ترجمان بورڈ کے مطابق طلبہ اپنے نتائج بورڈ کی سرکاری ویب سائٹ www.bsek.edu.pk اور دیگر پارٹنر پورٹلز جیسے ہماری ویب کے ذریعے بآسانی دیکھ سکیں گے۔
اس کے ساتھ ساتھ بورڈ کی سرکاری ویب سائٹ www.bsek.edu.pk پر بھی رزلٹ دیکھے جا سکتے ہیں۔ طلبا "Results" کے سیکشن میں جا کر SSC Part-I (9th Class) Annual Exam کا انتخاب کریں،اپنا رول نمبر درج کریں اور Submit پر کلک کریں اور چند لمحوں میں آپ کی مارک شیٹ اسکرین پر ظاہر ہو جائے گی۔اس کے علاوہ نام کے ذریعے بھی نتیجہ چیک کیا جا سکتا ہے، اگر طلبہ رول نمبر بھول گئے ہیں تو وہ اپنا نام اور والد کا نام درج کر کے بھی نتیجہ حاصل کر سکتے ہیں۔
علاوہ ازیں طلبہ اپنے رول نمبر کو بورڈ کے سرکاری ایس ایم ایس کوڈ پر بھیج کر سائنس یا جنرل گروپ کا نتیجہ حاصل کر سکتے ہیں۔ جواب میں مضمون وار تفصیلات کے ساتھ نتیجہ موصول ہو جائے گا۔