لاہور ہائیکورٹ نے شہر میں بڑھتی ہوئی سموگ پر سخت نوٹس لیتے ہوئے فوری اقدامات کا حکم دے دیا ہے۔عدالت نے حکم دیا ہے کہ مارکیٹس رات 10 بجے اور ریسٹورنٹس رات 11 بجے بند کیے جائیں۔
عدالتی حکم کے مطابق ریسٹورنٹس پیر سے اتوار تک رات 11 بجے تک بند کرنے کے پابند ہوں گے۔
مزید برآں عدالت نے 7 نومبر کے بعد بغیر فٹنس سرٹیفکیٹ گاڑیوں کے سڑکوں پر چلنے پر پابندی عائد کرنے کی ہدایت کی ہے۔عدالت نے کہا کہ سموگ کی شدت کم کرنے کے لیے 2 سے 3 ہفتے تک اتوار کے روز کمرشل سرگرمیوں پر مکمل پابندی ضروری ہے۔
عدالت نے تمام متعلقہ اداروں کو احکامات پر فوری عمل درآمد یقینی بنانے کا حکم دے دیا ہے۔