گورنر سندھ کامران خان ٹیسوری سے رومانیہ کے سفیر ڈاکٹر ڈین اسٹونسکیو (Dan Stoenescu) کی ملاقات، پاکستان اور رومانیہ کے درمیان تجارتی، اقتصادی اور باہمی تعاون کے فروغ پر تفصیلی تبادلہ خیال کیا گیا۔
گورنر کامران ٹیسوری نے کہا کہ پاکستان خصوصاً سندھ میں سرمایہ کاری کے وسیع مواقع موجود ہیں، انہوں نے رومانیہ کی کاروباری برادری کو سندھ میں صنعت، تعلیم اور ٹیکنالوجی کے شعبوں میں سرمایہ کاری کی دعوت دی۔
ملاقات کے دوران رومانیہ کے سفیر نے مختلف شعبوں میں سرمایہ کاری میں گہری دلچسپی کا اظہار کیا، دونوں ممالک کے درمیان تعلیمی، ثقافتی اور تکنیکی روابط کو مزید مستحکم بنانے پر اتفاق کیا گیا۔
رومانیہ کے سفیر نے گورنر ہاؤس میں شجرکاری مہم کے تحت پودا لگایا، پاک رومانیہ دوستی کے جذبے کے تحت دونوں ممالک کے پرچم کشائی کی گئی، جبکہ رومانیہ کے سفیر نے مہمانوں کی کتاب میں اپنے تاثرات بھی قلمبند کیے۔