الیکشن کمیشن آف پاکستان نے حالیہ ضمنی انتخابات میں کامیاب امیدواروں کے باضابطہ نوٹیفکیشن جاری کر دیے ہیں۔ ترجمان الیکشن کمیشن کے مطابق قومی اسمبلی کی 5 اور پنجاب اسمبلی کی 7 نشستوں پر کامیاب امیدواروں کا نوٹیفکیشن جاری کیا گیا ہے۔
نوٹیفکیشن کے مطابق این اے 18 ہری پور سے بابر نواز خان کامیاب ہوئے، این اے 104 فیصل آباد سے دانیال احمد،این اے 129 لاہور سے محمد نعمان کی کامیابی کا نوٹیفکیشن جاری ہوا،این اے 143 ساہیوال سے محمد طفیل این اے 185 ڈیرہ غازی خان سے محمود قادر خان کامیاب ہوئے۔ تاہم این اے 96 فیصل آباد سے بلال بدر کامیاب ہوئے، لیکن ضابطہ اخلاق کی خلاف ورزی کے باعث ان کا نوٹیفکیشن فی الحال روکا گیا ہے۔
علاوہ ازیں پی پی 73 سرگودہا سےمیاں سلطان علی رانجھا،پی پی 87 میانوالی سے علی حیدر نور خان،پی پی 98 فیصل آباد سے آزاد علی تبسم،پی پی 115 فیصل آباد سےمحمد طاہر پرویز،پی پی 116 فیصل آباد سے احمد شہیر،پی پی 203 ساہیوال سے محمد حنیف،اور پی پی 269 مظفر گڑھ سے میاں علمدارعباس قریشی کامیاب قرار پائے۔
واضح رہے کہ ضمنی انتخابات میں کامیاب ہونے والے 12 امیدواروں کا تعلق پاکستان مسلم لیگ (ن) سے ہے جبکہ ایک امیدوار کا تعلق پاکستان پیپلز پارٹی سے ہے۔