حکومت نے آئندہ پندرہ دنوں کے لیے پیٹرولیم مصنوعات کی تازہ قیمتوں کا اعلان کر دیا ہے، جس کے ساتھ ہی پٹرولیم ڈویژن نے نئی قیمتوں کا باضابطہ نوٹیفکیشن بھی جاری کر دیا ہے۔ نئے اعلان کے مطابق پٹرول کی فی لیٹر قیمت میں دو روپے کی کمی کی گئی ہے، جس کے بعد اس کی تازہ قیمت دو سو تریسٹھ روپے پینتالیس پیسے مقرر کر دی گئی ہے۔
ہائی اسپیڈ ڈیزل کی قیمت میں بھی کمی کی گئی ہے، اور چار روپے انہتر پیسے کی کمی کے بعد اس کی نئی قیمت دو سو اناسی روپے چونسٹھ پیسے فی لیٹر ہو گئی ہے۔ حکومت کی جانب سے منظور شدہ ان ترمیم شدہ قیمتوں کا نفاذ آج رات بارہ بجے سے ہوگا۔