کراچی میں چینی کی قیمتوں میں غیر معمولی اضافہ ریکارڈ کیا گیا ہے جہاں فی کلو چینی کی قیمت 220 روپے تک جا پہنچی ہے جو ملک میں سب سے زیادہ ہے۔ وفاقی ادارہ شماریات کی رپورٹ کے مطابق ایک ہفتے میں کراچی میں چینی کی فی کلو قیمت میں 20 روپے کا اضافہ ہوا ہے جس سے شہری مہنگائی کے شدید اثرات کا سامنا کر رہے ہیں۔
رپورٹ کے مطابق حیدرآباد میں چینی کی فی کلو قیمت 215 روپے، کوئٹہ میں 216 روپے، خضدار میں 210 روپے اور لاڑکانہ میں 205 روپے تک جا پہنچی ہے۔
اسلام آباد اور پنجاب میں چینی کی زیادہ سے زیادہ قیمت 190 روپے، پشاور میں 190 روپے جبکہ سکھر میں 195 روپے فی کلو ریکارڈ کی گئی ہے۔
شہریوں نے حکومت سے مطالبہ کیا ہے کہ چینی کی بڑھتی ہوئی قیمتوں کو کنٹرول کرنے کے لیے فوری اقدامات کیے جائیں تاکہ عام آدمی کو اس مہنگائی سے ریلیف مل سکے۔