خیبر پختونخوا کے ضلع باجوڑ میں سیکیورٹی فورسز کی کارروائی کے دوران اہم افغان دہشتگرد مارا گیا۔
واقعات کے مطابق باجوڑ کے علاقے لوئی ماموند میں سیکیورٹی فورسز نے خفیہ اطلاع پر آپریشن کیا، جس میں کالعدم ٹی ٹی پی سے منسلک افغان دہشتگرد طارق عرف عباس مارا گیا۔
سیکیورٹی ذرائع کے مطابق ہلاک دہشت گرد کا تعلق افغانستان کے صوبہ ننگرہار سے تھا، اور وہ باجوڑ میں متعدد تخریبی سرگرمیوں میں ملوث تھا، فورسز نے علاقے کو گھیرے میں لے کر سرچ آپریشن مزید تیز کردیا ہے۔