وزیرِ دفاع خواجہ آصف نے سابق لیفٹیننٹ جنرل فیض حمید کی سزا پر سخت ردِعمل دیتے ہوئے کہا کہ قوم کو برسوں فیض حمید اور سابق آرمی چیف جنرل قمر جاوید باجوہ کے بوئے ہوئے بیجوں کی فصل کاٹنا پڑے گی۔
خواجہ آصف نے اپنے بیان میں کہا کہ حکمرانوں کے لیے خوفِ خدا ان کا شیوہ ہونا چاہیے۔ انہوں نے دعا کی کہ اللہ ہمیں طاقت اور اقتدار کو اپنی عطا سمجھ کر مخلوقِ خدا کی خدمت کے لیے استعمال کرنے کی توفیق عطا فرمائے۔
وزیرِ دفاع کا کہنا تھا کہ ملک آج جن چیلنجز سے گزر رہا ہے، ان کی جڑیں ماضی کے غلط فیصلوں میں پوشیدہ ہیں، اور وقت آگیا ہے کہ ریاستی ادارے اور قیادت اپنی ذمہ داری کو پوری دیانتداری کے ساتھ نبھائیں۔
انھوں نے مزید کہا کہ احتساب کا عمل بلا امتیاز جاری رہنا چاہیے تاکہ ملک مستقبل میں ایسے بحرانوں سے محفوظ رہ سکے۔