وزارت مذہبی امور نے نجی حج آپریٹرز کو سخت وارننگ جاری کرتے ہوئے کہا ہے کہ کسی بھی عازم حج کی بروقت روانگی میں ناکامی کی صورت میں متعلقہ کمپنی کا لائسنس منسوخ کر دیا جائے گا اور وہ آئندہ حج آپریٹر کے طور پر کام نہیں کر سکے گی۔
وزارت نے نجی آپریٹرز کو ہدایت کی ہے کہ حج پیکیج کی 100 فیصد رقم سعودی اکاؤنٹس میں جمع کروائی جائے، جس کی آخری تاریخ 31 دسمبر مقرر کی گئی ہے۔
وزارت نے تاکید کی کہ تمام ہدایات کی مکمل پابندی یقینی بنائی جائے تاکہ عازمین حج کی روانگی میں کسی قسم کی رکاوٹ نہ آئے۔