35 ویں نیشنل گیمز میں سندھ باڈی بلڈنگ ایسوسی ایشن کو شامل نہ کیے جانے پر شدید تحفظات پائے جا رہے ہیں اور کھلاڑیوں میں مایوسی کی لہر دوڑ گئی ہے۔
سندھ باڈی بلڈنگ ایسوسی ایشن کے عہدیداران کا کہنا ہے کہ باڈی بلڈنگ ایک تسلیم شدہ کھیل ہے اور سندھ کے کھلاڑی قومی و بین الاقوامی سطح پر ملک کا نام روشن کرچکے ہیں، اس کے باوجود 35 ویں نیشنل گیمز میں سندھ کی نمائندگی کو نظرانداز کرنا ناانصافی کے مترادف ہے۔
ایسوسی ایشن نے مطالبہ کیا ہے کہ فیصلے پر نظرثانی کرتے ہوئے سندھ باڈی بلڈنگ ایسوسی ایشن کو نیشنل گیمز میں فوری طور پر شامل کیا جائے تاکہ سندھ کے کھلاڑیوں کو بھی اپنی صلاحیتیں دکھانے کا موقع مل سکے۔