وزارت خارجہ نے پاکستانی شہریوں سے کہا ہے کہ اسلامی جمہوریہ ایران کا غیر ضروری سفر فی الحال مؤخر کریں تاکہ اپنی حفاظت اور سلامتی کو یقینی بنایا جا سکے۔
دفتر خارجہ کی جانب سے جاری ٹریول ایڈوائزری میں کہا گیا ہے کہ ایران میں مقیم پاکستانی شہری انتہائی احتیاط برتیں، چوکس رہیں، اور غیر ضروری نقل و حرکت کم سے کم رکھیں۔ شہریوں کو ہدایت کی گئی ہے کہ وہ پاکستانی سفارتی مشنز سے باقاعدہ رابطے میں رہیں۔
دوسری جانب ایران میں پاکستانی سفارتخانے نے شہریوں کی سہولت کے لیے کرائسس مینجمنٹ یونٹ قائم کر دیا ہے۔ تہران میں سفیر پاکستان مدثر ٹیپو کا کہنا ہے کہ پاکستانی شہری 24 گھنٹے رابطہ کر کے معاونت حاصل کر سکتے ہیں۔