وزیر اعلیٰ خیبر پختونخوا محمد سہیل آفریدی نے سیف سٹیز منصوبے پر کام کی رفتار بڑھانے اور مقررہ ٹائم لائن کے مطابق مکمل کرنے کی ہدایت کردی ہے۔
پشاور سمیت ضم اضلاع میں بھی منصوبے کی توسیع کے لیے ہوم ورک جلد مکمل کرنے کی ہدایت دی گئی ہے، جبکہ 24 گھنٹے سولر انرجی کی فراہمی بھی یقینی بنائی جائے گی۔
سیف سٹیز منصوبے کے تحت ڈی آئی خان میں 88، بنوں میں 76 اور لکی مروت میں 47 مقامات پر کیمرے نصب کیے جا رہے ہیں اور 31 جنوری تک یہ مکمل ہوجائیں گے۔ کرک، ٹانک اور شمالی وزیرستان میں پی سی ون تیار ہے۔
وزیر اعلیٰ نے کہا کہ جدید ٹیکنالوجی سے لیس یہ سیف سٹیز منصوبہ جرائم کی روک تھام اور امن کی بحالی میں مؤثر کردار ادا کرے گا اور قانون نافذ کرنے والے اداروں کی استعداد میں اضافہ کرے گا۔