جوڈیشل کمیشن نے لاہور ہائیکورٹ کے 13 میں سے 11 ایڈیشنل ججز کو مستقل کرنے کی منظوری دے دی ہے، جبکہ ایک جج کی مدت میں 6 ماہ کی توسیع اور ایک جج کو مستقل نہ کرنے کا فیصلہ کیا گیا ہے۔
ذرائع کے مطابق ایڈیشنل جج راجا غضنفر علی خان کو مستقل نہیں کیا گیا، جبکہ ایڈیشنل جج طارق محمود باجوہ کو 6 ماہ کی توسیع دے دی گئی ہے۔
مستقل کیے گئے ججز میں جسٹس حسن نواز، جسٹس وقار حیدر اعوان، جسٹس سردار اکبر علی، جسٹس احسن رضا، جسٹس ملک جاوید اقبال، جسٹس جواد ظفر، جسٹس خالد اسحاق، جسٹس ملک اویس خالد، جسٹس چوہدری سلطان محمود، جسٹس تنویر احمد شیخ اور جسٹس ابہر گل شامل ہیں۔