اسپیشل جج سینٹرل ایف آئی اے شاہ رخ ارجمند نے فراڈ کے مقدمے میں سابق ڈی جی آئی ایس آئی فیض حمید کے بھائی نجف حمید کی ضمانت منسوخ کرنے کا محفوظ فیصلہ سنا دیا۔
عدالت نے ایف آئی اے کی جانب سے دائر ضمانت منسوخی کی درخواست منظور کرتے ہوئے نجف حمید کی ضمانت ختم کر دی۔ تاہم نجف حمید عدالتی کارروائی کے وقت عدالت میں موجود نہیں تھے، جس کے باعث انہیں گرفتار نہیں کیا جا سکا۔
واضح رہے کہ اس سے قبل عدالت نے صلح کی بنیاد پر نجف حمید کی ضمانت منظور کی تھی، تاہم بعد ازاں ایف آئی اے نے ضمانت منسوخی کے لیے درخواست دائر کی تھی، جس پر آج فیصلہ سنایا گیا۔