وزیرِ اعظم پاکستان محمد شہباز شریف سے میانمار کے وفاقی وزیر برائے امورِ خارجہ یو تھان سوی نےملاقات کی۔ وزیرِ اعظم نے میانمار کے ساتھ دیرینہ تعلقات کو مزید مضبوط بنانے کے لیے پاکستان کے عزم کا اعادہ کیا اور تجارت، تعلیم، ثقافت اور عوامی روابط میں تعاون کی اہمیت پر زور دیا۔
وزیرِ اعظم نے بالخصوص انسانی اسمگلنگ کے خلاف میانمار کے تعاون اور آسیان کے ساتھ شمولیت کے لیے حمایت کو سراہا۔ میانمار کے وزیر خارجہ نے وزیرِ اعظم کے پرتپاک استقبال کا شکریہ ادا کیا اور باہمی دلچسپی کے شعبوں میں تعلقات فروغ دینے کی خواہش کا اظہار کیا۔
ملاقات میں نائب وزیرِ اعظم و وزیرِ خارجہ سینیٹر محمد اسحاق ڈار اور وزیرِ اعظم کے معاونِ خصوصی طارق فاطمی بھی موجود تھے۔