وفاقی دارالحکومت اسلام آباد میں فائر سیفٹی کے انتظامات اطمینان بخش نہیں پائے گئے ہیں۔
ڈی جی کیپیٹل ایمرجنسی سروسز ڈاکٹر عبدالرحمٰن کے مطابق تجارتی مرکز بلیو ایریا کی زیادہ تر عمارتیں فائر سیفٹی کے معیار پر پورا اترتی ہیں لیکن کراچی کمپنی اور جی نائن کی کئی عمارتوں میں فائر سیفٹی کے انتظامات مکمل نہیں ہیں۔
قواعد کے مطابق کسی بھی عمارت کی تعمیر سے پہلے کیپیٹل ایمرجنسی سروسز کی جانب سے فائر این او سی جاری کیا جاتا ہے اور تعمیر مکمل ہونے پر کمپلیشن این او سی دیا جاتا ہے۔ عمارت کے مالک کو کسی مستند کمپنی سے دیکھ بھال کے لیے کنٹریکٹ کرنا ہوتا ہے اور ہر چھ ماہ بعد فائر سیفٹی رپورٹ جمع کروانا لازمی ہے۔
ڈائریکٹر ڈی ایم اے ڈاکٹر انعم کا کہنا ہے کہ شہرکے بازاروں میں فائر سیفٹی کی ذمہ دار ڈسٹرکٹ میونسپل ایڈمنسٹریشن ہوتی ہے۔