پاکستان اور بنگلادیش کے درمیان تعلقات میں اہم پیشرفت سامنے آئی ہے جہاں 14 سال کے طویل وقفے کے بعد دونوں ممالک کے درمیان براہ راست فضائی رابطے بحال کر دیے گئے ہیں۔ اس اقدام کو دوطرفہ تعلقات میں ایک نئی اور مثبت پیش قدمی قرار دیا جا رہا ہے۔
حکام کے مطابق بنگلادیش ایئر لائن کی پہلی پرواز آج ڈھاکا سے کراچی کے جناح انٹرنیشنل ایئرپورٹ پر لینڈ کرے گی۔ بنگلادیش ایئر لائن کی پرواز بی جی 341 رات 11 بجے کراچی پہنچے گی جس کے لیے ایئرپورٹ پر خصوصی انتظامات مکمل کر لیے گئے ہیں۔
ذرائع کا کہنا ہے کہ کراچی اور ڈھاکا کے درمیان ہفتہ وار دو براہ راست پروازیں چلائی جائیں گی جس سے دونوں ممالک کے درمیان سفری سہولتوں میں اضافہ ہوگا۔ اس کے ساتھ ساتھ تجارتی روابط اور عوامی سطح پر تعلقات کو بھی فروغ ملنے کی توقع ہے۔