گورنر سندھ کامران ٹیسوری نے کے الیکٹرک کے چیف ایگزیکٹو آفیسر (سی ای او) مونس علوی کے خلاف صوبائی محتسب کے فیصلے کو کالعدم قرار دے دیا۔
کامران ٹیسوری کی جانب سے جاری فیصلے میں کہا گیا ہے کہ صوبائی محتسب نے ریکارڈ پر موجود شواہد کو نظر انداز کیا ہے۔
فیصلے کے مطابق صوبائی محتسب کا 31 جولائی 2025 کا فیصلہ کالعدم قرار دیا جاتا ہے۔
یاد رہے کہ مونس علوی کے خلاف سابق ملازمہ نے صوبائی محتسب میں جمع کرائی گئی شکایت میں ہراسانی کا الزام عائد کیا تھا۔
بعدازاں صوبائی محتسب نے مونس علوی کو عہدے سے ہٹانے اور 25 لاکھ روپے جرمانے کی سزا سنائی تھی۔