وزیر خزانہ محمد اورنگزیب کی زیر صدارت اقتصادی رابطہ کمیٹی (ای سی سی) کے اجلاس میں پنجاب، سندھ، بلوچستان اور اسلام آباد میں بلدیاتی انتخابات کے لیے مختص فنڈز پر غور کیا گیا۔
ای سی سی اجلاس میں بلدیاتی انتخابات کے لیے 45 کروڑ 50 لاکھ روپے کی سمری پیش کی گئی جس پر وزیر خزانہ نے الیکشن کمیشن آف پاکستان سے وضاحت طلب کی اور ہدایت دی کہ سمری کو مکمل تفصیلات کے ساتھ دوبارہ پیش کیا جائے۔
اجلاس میں کسٹمز حکام کی جانب سے ضبط کیے گئے سامان کو گلگت بلتستان حکومت کے حوالے کرنے کی منظوری بھی دی گئی۔
مزید برآں وزیر خزانہ کی زیر صدارت ایک علیحدہ اجلاس میں ایکسپورٹ امپورٹ بینک (ایگزم بینک) کی 2025 کی پروکیورمنٹ پالیسی کی بھی منظوری دے دی گئی۔