اسلام آباد ترلائی میں امام بارگاہ پر ہونے والے خودکش دھماکے کے فوری بعد وفاقی اور صوبائی سیکیورٹی اداروں نے ملک بھر میں بڑے پیمانے پر آپریشنز کا آغاز کر دیا۔ ذرائع کے مطابق خودکش بمبار یاسر ولد بہادر خان کے قریبی رشتہ دار گرفتار کر لیے گئے ہیں۔
گرفتاریوں کی تفصیلات کے مطابق یاسر کے بہنوئی کو کراچی سے اور بھائی کو پشاور سے حراست میں لیا گیا جبکہ اہم سہولت کار کو نوشہرہ میں مارا گیا اور خودکش بمبار کی والدہ کو اسلام آباد کے پوش سیکٹر سے گرفتار کیا گیا۔
سیکیورٹی ادارے حملے کے پس منظر اور ممکنہ دہشت گرد نیٹ ورک کی تحقیقات کر رہے ہیں تاکہ مزید حملوں کو روکا جا سکے۔ ذرائع کے مطابق گرفتاریوں کے بعد کئی اہم شواہد بھی حاصل کیے گئے ہیں جو اس حملے کے منصوبہ سازوں تک پہنچنے میں مددگار ثابت ہوں گے۔