ایران کی پاسدارانِ انقلاب نے کہا ہے کہ آپریشن وعدہ صادق کے تحت حملوں کی نئی لہر شروع کردی گئی ہے۔
ایرانی میڈیا کے مطابق اس سلسلے میں سعودی عرب کے شہر الخرج میں واقع امریکی فوجی اڈے کو میزائلوں سے نشانہ بنایا گیا۔
پاسدارانِ انقلاب کے بیان میں دعویٰ کیا گیا ہے کہ حملے کے دوران اس اڈے پر موجود ایف-35 اور ایف-16 لڑاکا طیاروں کے تربیتی مراکز کو ہدف بنایا گیا۔ بیان کے مطابق یہ کارروائی ایرانی حملوں کی 51 ویں لہر کا حصہ ہے۔
ایرانی حکام کا کہنا ہے کہ یہ حملہ شہید ابو القاسم بابائیان اور ان کی اہلیہ کی یاد میں کیا گیا۔ تاہم اس حملے سے ہونے والے ممکنہ نقصان یا جانی نقصان کے بارے میں فوری طور پر کوئی تصدیق سامنے نہیں آئی۔