ایران کی خاتم الانبیا ہیڈکوارٹر کے ترجمان بریگیڈیئر جنرل ابراہیم ذوالفقاری نے دعویٰ کیا ہے کہ امریکی مفادات کو نشانہ بناتے ہوئے مختلف مقامات پر میزائل اور ڈرون حملے کیے گئے ہیں۔
ترجمان کے مطابق سلالہ پورٹ کے قریب ایک امریکی کارگو جہاز کو نشانہ بنایا گیا جبکہ دبئی میں یوکرین کی اینٹی ڈرون فیکٹری پر بھی حملہ کیا گیا۔
انہوں نے مزید دعویٰ کیا کہ متحدہ عرب امارات میں امریکی کمانڈرز اور فوجیوں کے ٹھکانوں کو نشانہ بنایا گیا جہاں دبئی میں دو مختلف مقامات پر 500 سے زائد امریکی فوجی موجود تھے۔
ترجمان کا کہنا تھا کہ ان اہداف کو میزائل اور ڈرون حملوں کے ذریعے نشانہ بنایا گیا، جبکہ دبئی میں یوکرین کے اینٹی ڈرون سسٹم کے گودام کو تباہ کر دیا گیا ہے۔
بریگیڈیئر جنرل ابراہیم ذوالفقاری نے مزید کہا کہ ان کارروائیوں کے بعد امریکی فوج کے پاس ہتھیار ڈالنے کے علاوہ کوئی چارہ نہیں ہوگا۔