امریکی تجزیہ کار ماریو نوفل نے امریکا اور اسرائیل کے خلاف حالیہ کشیدگی اور جنگی صورتحال میں ایران کو فاتح قرار دے دیا۔
ماریو نوفل نے اپنے تجزیے میں کہا کہ اگر کسی کو اس دعوے پر یقین نہیں آتا تو وہ ایران کے وہ اہم نکات اور شرائط دیکھ لے، جنہیں بالآخر تسلیم کیا گیا۔
ان کے مطابق کسی بھی تنازع کے نتائج کا اندازہ صرف فوجی کارروائیوں سے نہیں بلکہ سیاسی، سفارتی اور اسٹریٹجک کامیابیوں سے بھی لگایا جاتا ہے، اور ایران نے اس محاذ پر اپنی پوزیشن مضبوط بنائی۔
امریکی تجزیہ کار کا کہنا تھا کہ جنگ یا کشیدگی کے بعد اگر کسی فریق کے بنیادی مؤقف یا مطالبات کو قبول کرلیا جائے تو اسے سیاسی اور سفارتی فتح تصور کیا جاتا ہے۔
ماریو نوفل کے اس بیان کے بعد سوشل میڈیا اور عالمی حلقوں میں نئی بحث چھڑ گئی ہے کہ آیا واقعی ایران نے اس تنازع میں اسٹریٹجک برتری حاصل کی یا نہیں۔