آئی ایم ایف نے خبردار کیا ہے کہ ایران سے متعلق جاری کشیدگی طویل ہونے کی صورت میں عالمی معیشت کو سنگین خطرات لاحق ہو سکتے ہیں۔
عالمی مالیاتی ادارے کی مینیجنگ ڈائریکٹر کرسٹالینا جارجیوا نے اپنے بیان میں کہا کہ موجودہ حالات کے تناظر میں آئی ایم ایف کی سابقہ معاشی پیش گوئیاں اب مکمل طور پر درست نہیں رہیں۔
انہوں نے بتایا کہ پہلے اندازہ لگایا گیا تھا کہ ایران کے خلاف امریکا اور اسرائیل کی کشیدگی عالمی اقتصادی ترقی میں سست روی اور مہنگائی میں معمولی اضافے کا باعث بنے گی۔
تاہم ایم ڈی آئی ایم ایف نے خبردار کیا کہ اگر یہ تنازع 2027 تک جاری رہا اور عالمی منڈی میں تیل کی قیمت 125 ڈالر فی بیرل تک برقرار رہی تو مہنگائی میں شدید اضافہ اور عالمی معیشت مزید دباؤ کا شکار ہو سکتی ہے۔