وزارت خارجہ ایران کے ترجمان نے کہا ہے کہ پاکستان خطے میں پیشہ ورانہ انداز میں ثالثی کا کردار ادا کررہا ہے۔
ایرانی وزارت خارجہ کے ترجمان اسماعیل بقائی نے پریس بریفنگ کے دوران کہا کہ ایران نے خطے کے مفادات کو مدنظر رکھتے ہوئے امریکی تجاویز کا جواب دیا ہے۔
انہوں نے کہا کہ ایران نے چین کو بھی واضح کر دیا ہے کہ امریکی اقدامات خطے میں بے چینی اور عدم استحکام کا باعث بن سکتے ہیں۔
ترجمان کے مطابق خطے کی صورتحال کے تناظر میں مختلف ممالک کے ساتھ مشاورت جاری ہے تاکہ کشیدگی میں کمی لائی جاسکے۔
دوسری جانب یہ بھی بتایا گیا ہے کہ ڈونلڈ ٹرمپ آئندہ روز بیجنگ کے دورے پر روانہ ہوں گے۔