چین نے شدید گرمی سے نمٹنے کے لیے ایک منفرد ٹیکنالوجی متعارف کرا دی ہے جس کے تحت بلند و بالا عمارتوں کی چھتوں سے مصنوعی بارش کرکے ماحول کو ٹھنڈا کیا جا رہا ہے۔
چینی میڈیا کے مطابق صوبہ شنسی کے شہر یونچینگ میں ایک اپارٹمنٹ بلڈنگ پر نصب سنسر پر مبنی مسٹنگ سسٹم چھت سے باریک پانی کی پھوار خارج کرتا ہے جو تبخیری ٹھنڈک کے اصول کے تحت اردگرد کا درجہ حرارت چند منٹوں میں 5 سے 8 ڈگری سینٹی گریڈ تک کم کر دیتا ہے۔
ماہرین کے مطابق یہ نظام روایتی ایئر کنڈیشنرز کے مقابلے میں کم توانائی استعمال کرتا ہے جبکہ اسے چین کے مختلف پارکوں، عوامی مقامات اور بس اسٹاپس پر بھی کامیابی سے استعمال کیا جا رہا ہے۔