یومِ آزادی کے موقع پر میر رضا کے والدین نے اپنے بیٹے کی وطن سے محبت اور اس کے لیے انصاف کی جدوجہد کو ایک بار پھر یاد کیا۔ میر رضا کی والدہ نے اپنے بیٹے کو خراجِ عقیدت پیش کرتے ہوئے آزادی کے جذبے سے جڑی ایک یادگار تصویر شیئر کی اور کہا کہ ان کے بیٹے کی روح اب آزاد ہے، تاہم وہ انصاف کے حصول کے لیے اپنی آواز بلند کرتی رہیں گی۔
دوسری جانب میر رضا کے والد نے گفتگو کرتے ہوئے بتایا کہ ان کے بیٹے کو بیرونِ ملک جانے کے مواقع حاصل تھے، لیکن وہ پاکستان چھوڑنا نہیں چاہتے تھے۔ ان کے مطابق میر رضا اپنے ملک سے محبت کرتے تھے اور ہمیشہ پاکستان کی ترقی اور بہتری کے خواہاں رہے۔
میر رضا کے والدین کے یہ جذباتی بیانات سوشل میڈیا پر بھی توجہ کا مرکز بن گئے۔ صارفین نے والدین کی ثابت قدمی کو سراہتے ہوئے میر رضا کے لیے انصاف کی دعا کی اور کہا کہ اتنے بڑے سانحے کے باوجود ان کے والدین کا انصاف کے لیے آواز اٹھاتے رہنا قابلِ احترام ہے۔