حوثی باغیوں کے حملے میں جاں بحق ہونے والے دو پاکستانیوں کی میتیں اور زخمی عملے کے تین ارکان کراچی پہنچ گئے۔
جاں بحق ہونے والے عمیر افضل اور محمد اکرم کی میتیں سعودی ایئر کی پرواز 700 کے ذریعے کراچی ایئرپورٹ لائی گئیں۔ ذرائع کے مطابق عمیر افضل کا تعلق لانڈھی جبکہ محمد اکرم کا تعلق منزل پمپ کراچی سے تھا۔
دوسری جانب حملے میں زخمی ہونے والے عابد علی، رضوان اور وحید کو پی آئی اے کی پرواز کے ذریعے کراچی پہنچایا گیا۔ زخمیوں کو طبی امداد کے لیے اسپتال منتقل کیے جانے کا امکان ہے۔