بانی پی ٹی آئی کو اسپتال منتقل کرنے کے سپریم کورٹ کے حکم پر عملدرآمد نہ ہونے پر پاکستان تحریک انصاف نے توہینِ عدالت کی درخواست دائر کرنے کا فیصلہ کیا ہے۔
اس سلسلے میں بانی پی ٹی آئی کے وکیل اڈیالہ جیل راولپنڈی پہنچ گئے ہیں، جہاں وہ توہینِ عدالت کی درخواست پر بانی پی ٹی آئی سے دستخط کروائیں گے۔
ذرائع کے مطابق دستخط کے بعد درخواست کو عدالت میں باضابطہ طور پر دائر کیا جائے گا، جس میں سپریم کورٹ کے حکم پر عملدرآمد نہ ہونے کی نشاندہی کرتے ہوئے متعلقہ حکام کے خلاف توہینِ عدالت کی کارروائی کی استدعا کی جائے گی۔