نائب وزیراعظم اور وزیر خارجہ اسحاق ڈار برطانیہ کے سرکاری دورے پر لندن پہنچ گئے جہاں ان کی برطانوی ہم منصب ایڈ ملی بینڈ سمیت اعلیٰ حکام سے ملاقاتیں متوقع ہیں۔
وزارت خارجہ کے مطابق اسحاق ڈار 28 اگست تک برطانیہ میں قیام کریں گے۔ دورے کے دوران باہمی تعلقات، علاقائی امور اور دیگر اہم معاملات پر تبادلہ خیال ہوگا۔
اسحاق ڈار انٹرنیشنل میری ٹائم آرگنائزیشن کے سیکریٹری جنرل سے بھی ملاقات کریں گے جس میں صومالی قزاقوں کے ہاتھوں یرغمال پاکستانی عملے اور علاقائی بحری سلامتی کا معاملہ زیر بحث آئے گا۔
وزیر خارجہ دولت مشترکہ کی سیکریٹری جنرل شرلی آیورکور بوچوے سے بھی ملاقات کریں گے۔