آزاد کشمیر قانون ساز اسمبلی کی 8 مخصوص نشستوں پر پولنگ کا عمل شروع ہوگیا ہے جو صبح 10 بجے سے دوپہر 2 بجے تک جاری رہے گا۔
پولنگ میں 5 خواتین، ایک ٹیکنوکریٹ، ایک علما و مشائخ اور ایک اوورسیز کشمیری کی نشست شامل ہے۔ پیپلز پارٹی کے رکن اسمبلی ماجد خان نے پہلا ووٹ کاسٹ کیا۔
سیکرٹری الیکشن کمیشن پولنگ کے پریزائیڈنگ افسر ہوں گے۔ مخصوص نشستوں پر انتخاب مکمل ہونے کے بعد نومنتخب ارکان اسمبلی حلف اٹھائیں گے، جس کے بعد اسپیکر اور ڈپٹی اسپیکر کا انتخاب ہوگا۔
پونچھ اور سدھنوتی میں انتخابات نہ ہونے کے باعث 7 ارکان کے بغیر حکومت سازی کا عمل مکمل کیا جا رہا ہے۔