پیٹرولیم مصنوعات کی قیمتوں میں بنیادی لاگت کے علاوہ بھاری ٹیکسز، لیوی اور مختلف مارجنز نے شہریوں پر اضافی مالی بوجھ بڑھا دیا ہے۔
دستیاب اعداد و شمار کے مطابق ایک لیٹر پیٹرول کی اصل قیمت کے مقابلے میں صارفین سے مجموعی طور پر 130 روپے 75 پیسے لیوی، ٹیکسز اور مختلف مارجنز کی مد میں وصول کیے جا رہے ہیں۔
اسی طرح ہائی اسپیڈ ڈیزل کی بنیادی لاگت 245 روپے 82 پیسے فی لیٹر ہے جبکہ اس کی مقررہ قیمت 368 روپے 29 پیسے فی لیٹر ہے۔ یوں ڈیزل کے ایک لیٹر پر صارفین کو بنیادی لاگت کے علاوہ مجموعی طور پر 122 روپے 47 پیسے لیوی، ٹیکسز اور مختلف مارجنز کی صورت میں ادا کرنا پڑ رہے ہیں۔
اعداد و شمار کے مطابق پیٹرول اور ڈیزل کی قیمتوں میں ٹیکسز، لیوی اور مارجنز کا حصہ صارفین کے لیے نمایاں اضافی بوجھ بن چکا ہے جس کے باعث شہریوں کو پٹرولیم مصنوعات کی اصل لاگت سے کہیں زیادہ قیمت ادا کرنا پڑ رہی ہے۔