بانی پی ٹی آئی عمران خان کی اسپتال منتقلی سے متعلق توہین عدالت کی درخواست سپریم کورٹ میں سماعت کے لیے مقرر کردی گئی۔
سپریم کورٹ کے رجسٹرار آفس کے مطابق درخواست کی سماعت 16 ستمبر کو ہوگی۔
رجسٹرار آفس کا کہنا ہے کہ متعلقہ کیٹیگری میں اس نوعیت کی 94 درخواستیں پہلے ہی زیرِ التوا ہیں جبکہ عظمیٰ خان کی توہین عدالت کی درخواست ان درخواستوں میں سب سے آخر میں دائر ہوئی۔
سپریم کورٹ کے جاری کردہ روسٹر کے مطابق درخواست کی سماعت کے لیے بینچ نمبر 5 تشکیل دیا گیا ہے جس میں جسٹس شاہد وحید، جسٹس نعیم اختر افغان اور جسٹس اشتیاق ابراہیم شامل ہیں۔