بلوچستان حکومت نے فتنۃ الہندوستان سے وابستہ 9 انتہائی مطلوب خواتین کی گرفتاری یا ان کے بارے میں معلومات فراہم کرنے پر انعام مقرر کردیا۔
حکومت بلوچستان کے مطابق مطلوب خواتین سے متعلق قابلِ اعتماد معلومات دینے والوں کو 10 سے 15 لاکھ روپے تک انعام دیا جائے گا جبکہ اطلاع دینے والے افراد کی شناخت مکمل طور پر خفیہ رکھی جائے گی۔
حکام کے مطابق مطلوب خواتین کا تعلق گوادر، جیوانی اور تربت سے ہے۔ مطلوب خواتین میں حنیفاں بی بی ، عائشہ ، رقیہ ، حفصہ ، زہرہ ، امینہ بانی ، زرمین اور عزیزاں شامل ہیں۔ آٹھ خواتین کے لیے 10،10 لاکھ روپے جبکہ عزیزاں نامی خاتون کے لیے 15 لاکھ روپے انعام مقرر کیا گیا ہے۔
حکومت کا کہنا ہے کہ مطلوب خواتین بلوچستان میں بدامنی پھیلانے کی سرگرمیوں میں ملوث ہیں اور سادہ لوح خواتین کو ورغلا کر امن دشمن کارروائیوں کے لیے استعمال کرتی ہیں۔