راولپنڈی کے علاقے سٹی صدر روڈ پر ایک لڑکے نے مبینہ طور پر نالہ لئی میں چھلانگ لگا دی۔
عینی شاہدین کے مطابق لڑکا چھلانگ لگانے کے بعد پانی کے تیز بہاؤ میں ڈوب گیا۔
اطلاع ملتے ہی ریسکیو 1122 راولپنڈی کی 3 ایمرجنسی گاڑیاں اور 6 اہلکار فوری طور پر جائے وقوعہ پر پہنچ گئے اور ڈوبنے والے لڑکے کی تلاش کے لیے سرچ آپریشن شروع کردیا گیا ہے۔
ریسکیو راولپنڈی کے میڈیا کوآرڈینیٹر محمد عثمان گجر کے مطابق ٹیمیں نالے میں امدادی کارروائیاں میں مصروف ہیں اور لڑکے کو تلاش کرنے کی ہر ممکن کوشش کی جا رہی ہے۔