ایشین گیمز کے مینز کرکٹ ایونٹ میں سری لنکا نے بنگلادیش کو 63 رنز سے شکست دے کر برانز میڈل اپنے نام کرلیا۔
نشین میں کھیلے گئے میچ میں سری لنکا نے ابتدائی 4 اوورز میں صرف 21 رنز پر 4 وکٹیں گنوا دیں، تاہم کپتان سہان آراچچگے اور تھارندو رتھنائیکے نے اننگز کو سنبھال لیا۔
رتھنائیکے نے صرف 32 گیندوں پر 65 رنز کی برق رفتار اننگز کھیلی، جس میں 7 چوکے اور 5 چھکے شامل تھے۔ دونوں نے چھٹی وکٹ کے لیے 46 گیندوں پر 93 رنز کی شراکت قائم کی، جس کے باعث سری لنکا نے آخری 5 اوورز میں 64 رنز بنائے۔
ہدف کے تعاقب میں بنگلادیشی ٹیم سری لنکن باؤلرز کے سامنے مشکلات کا شکار رہی اور 17.3 اوورز میں 102 رنز پر آل آؤٹ ہوگئی۔
تھارندو رتھنائیکے نے بیٹنگ کے ساتھ باؤلنگ میں بھی عمدہ کارکردگی دکھاتے ہوئے 2 اہم وکٹیں حاصل کیں، جبکہ نوان تھشارا اور دیگر اسپنرز نے بنگلادیشی بیٹنگ لائن کو مسلسل دباؤ میں رکھا۔