ہانگ کانگ کے مشن روڈ گراؤنڈ میں جاری سکسز ٹورنامنٹ کے گروپ سی میچ میں پاکستان نے روایتی حریف بھارت کو 4 وکٹوں سے شکست دے دی۔
پاکستان کے کپتان عباس آفریدی نے ٹاس جیت کر پہلے فیلڈنگ کا فیصلہ کیا، جس پر بھارتی ٹیم نے مقررہ 6 اوورز میں 88 رنز بنائے۔
بھارت کی جانب سے ششانک سنگھ نے 11 گیندوں پر 5 چھکوں اور 2 چوکوں کی مدد سے 40 رنز کی اننگز کھیلی۔
پاکستان کی جانب سے عبدالصمد نے ایک اوور میں 10 رنز دے کر 2 وکٹیں حاصل کیں جبکہ احمد دانیال اور محمد شہزاد کے حصے میں ایک، ایک وکٹ آئی۔
89 رنز کا ہدف پاکستان ٹیم نے محض 3.5 اوورز میں حاصل کرلیا۔
اوپننگ بیٹر خواجہ نافع نے 12 گیندوں پر 5 چھکوں اور 2 چوکوں کے ساتھ 41 رنز کی دھواں دھار اننگز کھیلی جبکہ کپتان عباس آفریدی نے 35 رنز بنائے۔ عبدالصمد 7 اور عرفان خان 6 رنز کے ساتھ ناٹ آؤٹ رہے۔