جنوبی افریقا کے 20 سالہ بیٹر لوہان ڈرے پریٹوریئس نے مینز ٹی ٹوئنٹی کرکٹ میں سب سے بڑے انفرادی اسکور کا کرس گیل کا ورلڈ ریکارڈ توڑ دیا۔
سی ایس اے ٹی ٹوئنٹی چیلنج میں ٹائٹنز کی جانب سے کھیلتے ہوئے پریٹوریئس نے نائٹس کے خلاف صرف 79 گیندوں پر ناقابلِ شکست 188 رنز کی دھواں دار اننگز کھیلی، جس میں 15 چوکے اور 13 چھکے شامل تھے۔
اس اننگز کے ساتھ ہی انہوں نے کرس گیل کا 2013 میں آئی پی ایل میں بنایا گیا 175 رنز کا ریکارڈ توڑ دیا۔ پریٹوریئس ٹی ٹوئنٹی میں ڈبل سنچری بنانے سے صرف 12 رنز دور رہے۔
ان کی شاندار اننگز کی بدولت ٹائٹنز نے 3 وکٹوں پر 267 رنز بنائے، جو سی ایس اے ٹی ٹوئنٹی چیلنج کی تاریخ کا دوسرا بڑا مجموعہ ہے۔