پاکستان چیمپئنز نے پاکستان کرکٹ بورڈ (پی سی بی) کی جانب سے این او سی (NOC) کے اجراء سے معذرت کے فیصلے کو قائم رکھنے کے بعد جاری ورلڈ چیمپئن شپ آف لیجنڈز (WCL) میں شرکت نہ کرنے کی تصدیق کردی ہے۔
پاکستان چیمپئنز کے مالک کامل خان نے پی سی بی سے اپنے فیصلے پر نظرثانی کی باضابطہ درخواست کی تھی اور ٹیم کی شرکت کے حوالے سے بات چیت جاری رکھی تھی۔
پاکستان چیمپئنز کی انتظامیہ کے مطابق وہ پی سی بی کے اختیارات اور فیصلے کا احترام کرتے ہیں، تاہم اس بات پر مایوسی ہے کہ ان کے کھلاڑیوں کو کرکٹ کے عظیم کھلاڑیوں کے اس عالمی میلے میں نمائندگی کا موقع نہیں مل سکے گا۔
انتظامیہ نے اپنے کھلاڑیوں، سپورٹرز اور مداحوں کے صبر، تفہیم اور مسلسل حمایت پر ان کا شکریہ ادا کیا ہے۔