عالمی منڈی میں مشرقِ وسطیٰ میں کشیدگی اور بحری جہازوں پر حملوں کے خدشات کے باعث خام تیل کی قیمتوں میں اضافے کا سلسلہ جاری ہے۔
غیر ملکی میڈیا کے مطابق برینٹ خام تیل کے مستقبل کے سودوں کی قیمت 37 سینٹ اضافے کے بعد 106.06 ڈالر فی بیرل ہوگئی جبکہ امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت 95 سینٹ اضافے سے 95.09 ڈالر فی بیرل پر پہنچ گئی، جو تین ہفتوں کی بلند ترین سطح ہے۔
رپورٹس کے مطابق آبنائے ہرمز سے گزرنے والے بحری جہازوں پر حملوں اورحوثیوں کے حملوں نے تیل کی سپلائی سے متعلق خدشات بڑھا دیے ہیں۔