جھنگ میں تھل ڈیزرٹ جیپ ریلی کے دوران پیراگلائنڈنگ اور مائیکرو جیٹ طیارے کے حادثے میں معروف پائلٹ قاضی ظفر جاں بحق اور ایک شخص زخمی ہوگیا ہے۔
ریسکیو ذرائع کے مطابق حادثہ رحمت آباد کے قریب پیش آیا جہاں مائیکرو جیٹ طیارہ فضا میں بلند ہوتے ہی آگ کی لپیٹ میں آ کر گر کر تباہ ہوگیا۔
پشاور سے تعلق رکھنے والے قاضی ظفر کچھ عرصہ قبل ہی بیرون ملک سے پاکستان آئے تھے، اور ان کے خاندان کا ایک اور پائلٹ بھی اس سے قبل بلوچستان میں پیش آنے والے حادثے میں جاں بحق ہوچکا ہے۔