پولو ورلڈ کپ کوالیفائرز میں پاکستان نے بھارت کو دھول چٹا دی، مسلسل دوسری کامیابی حاصل کرلی۔
نائیجیریا میں جاری 13ویں پولو ورلڈ کپ زون ای کوالیفائرز میں پاکستان نے روایتی حریف بھارت کو 4 کے مقابلے میں 7 گول سے شکست دے دی۔
قومی ٹیم نے پہلے میچ میں ایران کو بھی 6-10 سے ہرایا تھا۔ مسلسل دو فتوحات کے بعد پاکستان کے ورلڈ کپ میں کوالیفائی کرنے کے امکانات روشن ہوگئے ہیں۔
پاکستان اپنا آخری میچ اتوار کو میزبان نائیجیریا کے خلاف کھیلے گا، جس میں کامیابی ورلڈ کپ تک رسائی یقینی بنا دے گی۔ ایونٹ کا فائنل مرحلہ یوراگوئے میں شیڈول ہے۔