امریکا میں جاری پی ایس اے گولڈ سلیکون ویلی اوپن اسکواش ٹورنامنٹ میں پاکستانی کھلاڑی نور زمان اور اشعب عرفان نے اپنے ابتدائی میچز جیت کر اگلے راؤنڈ میں جگہ بنا لی۔
نور زمان نے امریکی کھلاڑی برانسٹن منگ کو 1-3 سے شکست دی۔ پہلا گیم ہارنے کے باوجود نور زمان نے شاندار کم بیک کیا اور 3-11، 11-5، 11-8 اور 11-9 سے کامیابی حاصل کی۔ انہوں نے یہ مقابلہ 41 منٹ میں اپنے نام کیا۔
دوسری جانب اشعب عرفان نے ہنگری کے بالاز فارکاس کو اسٹریٹ گیمز میں 0-3 سے ہرایا۔ اشعب نے 11-6، 11-4 اور 11-5 سے کامیابی حاصل کرتے ہوئے صرف 25 منٹ میں میچ جیت لیا۔
ٹورنامنٹ کے مینز ایونٹ کی مجموعی انعامی رقم ایک لاکھ 43 ہزار 500 امریکی ڈالر ہے۔