سہ ملکی سیریز میں انگلینڈ کو 87 رنز سے شکست دینے کے بعد پاکستان نے آئی سی سی ون ڈے ٹیم رینکنگ میں آسٹریلیا کو پیچھے چھوڑتے ہوئے چوتھی پوزیشن حاصل کرلی۔
پاکستان نے سری لنکا اور انگلینڈ کے خلاف مسلسل فتوحات کے بعد رینکنگ میں ترقی حاصل کی۔ پاکستان 103 ریٹنگ پوائنٹس کے ساتھ چوتھے نمبر پر آگیا ہے۔
آئی سی سی ون ڈے رینکنگ میں بھارت 115 پوائنٹس کے ساتھ پہلے، نیوزی لینڈ 109 پوائنٹس کے ساتھ دوسرے اور جنوبی افریقا 104 پوائنٹس کے ساتھ تیسرے نمبر پر موجود ہے، جبکہ آسٹریلیا پاکستان سے نیچے چلا گیا ہے۔